SEJARAH BUGIS-MAKASSAR & MANDAR

Lontara Pappangajana Abdul Bada

Iyanae Pappangajana Abdul Bada. Makkedai :

1. Nigi-nigi tettongiwi gettengngé sitettongi nabittaq Muhammad, pajellokammoi tenri jellokang.

2. Nigi-nigi tettongiwi lempué sitettongiwi nabi Adang, pabbicaramoi tenri bicara.

3. Nigi-nigi tettongiwi ada tongengngé sitettongiwi nabi héléré, pasauq moi tenri sauq.

4. Nigi-nigi tettongiwi alabongngé, sitettongiwi malaikaq Jiberilu, patawangmoi ténri tawai.

5. Nigi-nigi tettongiwi mekkoé, sitettongiwi malaikaq Mikailu, pappadeceng moi ténri padecengi.

6. Nigi-nigi tettongiwi nyamekkininnawaé, sitettongiwi malaikaq Israilu, mappacongamoi tenri paconga, menré moi tenno.

7. Naiya gettengngé sipa pajéllokannai nabitta Muhammad.

8. Naiya Lempué sipa pabbicarannai nabittaq Adang.

9. Naiya ada tongengngé sipa pasaunai nabi héléré.

10. Naiya lobaé sipa patawannai malaikaq Jibrilu.

11. Naiya mekkoé sipa mappadécénnai malaikaq Mikailu.

12. Naiya nyamekkininnawaé sipa menreqna malaikaq Israilu.

13. Naiya temmappasilaingengngé sipa mappaconganai malaikaq Israfilu.

14. Nigi- nigi posipaq iaro bicara pitué iyaréq ga sipa’ pitué, narékko namaséi puang Alla Taala malampé sungeq-i, sugi, panritai, mawijai, pasiangi tana wijanna (mapparenta).

15. Naiya gettennge ri Puang Alla Taala pannennuangngi pogauq pakkasiwiang ri Puang Alla Taala, mappanennuattoi niniriwi pappésangkana.

16. Naiya lempué ri Puang Alla Taala matékakangengngi majéppu Puang Alla Taala pancaji ripancajié.

17. Naiya ada tongengngé ri puang Alla Taala riatékakangngi déq mappabati rilainnaé puang Alla Taala.

18. Naiya lobaé ri puang Alla Taala mappésonangengngi aléna ri puang Alla Taala.

19. Naiya mekkoé ri puang Alla Taala, tawakkalaé ri Puang Alla Taala.

20. Naiya nyamengkininnawaé ri puang Alla Taala pannenuangi pappujinna lao ri Puang Alla Taala.

21. Naiya temmappasilaingengé ri Puang Alla Taala iyanaritu sukkurué ri puang Allah Taala, napappada-padai céddé, maégaé pabbéréna puang Alla Taala, maperina na mayamenna.

22. Naiya gettengngé ri puang Alla Taala narékko purai tapoada ajaq natapinrai.

23. Naiya lempué ri puang Alla Taala pasitinajaénngi gauq ri aléna.

24. Naiya ada tongengngé ri puang Alla Taala siturupi riatitta, lidata tapoadaé.

25. Naiya lobaé ri puang Alla Taala, agi- agi nacinnai tawérénngi narekko engkai nasitinaja hallalaq anré-anré togi pakaiang togi.

26.Naiya mekkoéri puang Alla Taala, aja tapoadai ada temmakkegunaé

27. Naiya nyamekkininnawaé ri puang Alla Taala ajaq tapawawoi alétaq tenna ulle sangadinna pakkasiwiangngé ri puang Alla Taala.

28. Naiya temmappasilaingngé ri puang Alla Taala, mauki arung, mauki panrita, mauki sugi, ita pada-padamaneng moi alemu padammu ripancaji.

29. Naiya gettengngé ri padattaq tau. maéloppiq molai, taiséppi tapoadangngi padatta tau.

30. Naiya lempué ri padatta tau, taitapi, taisséppi, tapoadanngi padatta tau.

31. Naiya ada tongengngé ripadatta, taitapi, taiséppi, tapoadangi padatta tau.

32. Naiya lobaé ri padatta tau. Narekko engka waramparangmu nacinnai padammu tau nasitinaja mua taweréngngi nasaba anu lao réwemuatu, majéppu puang Alla Taala pasiwale ritu.

33. Naiya mekkoé ri padatta tau, aja naribicara ri munri padatta tau.

34. Naiya nyamekkininnawaé ri padattaq tauq narékko napéjariki padattaq tauq tawaleq tosiha nasaba deceng. Nasaba riissenni anu maja.

35. Naiya temmapasilaingengé ri padattaq tau pattongengngi patujué, pasalai tau to rialena narekko salai iyamo nasalang, mau taulaeng narekko patujui iyamato natongengang.

36. Naiya gettengngé ri sewwa-sewwaé, narékko joppakki nakitabbuttu, gettengngi makkedaé iyaqmuro pasala nasabaq anu dé natassala rionronna naiya pogeppai, capu-capui namasigaq sau.

37. Naiya lempué ri sewwa- sewwaé, narékko engka waramparatta nanré olokolo aja tapocai, nasabaq dalleqna motuto nanré.

38. Naiya mekkoé ri sewwa-sewwaé, aja mutarasui sewwa-sewwaé.

Terjemahan Lontara Pappangajana Abdul Bada

Inilah nasehat Abdul Bada yang mengatakan :

1. Barang siapa yang menegakkan keteguhan adalah sependirian dengan nabi kita Muhammad yang selalu menuntun tetapi tidak pernah dituntun.

2. Barang siapa menegakkan kejujuran, maka sependirian dengan nabi Adam, yang selalu memberitahukan tapi tidak pernah diberitahukan.

3. Barang siapa yang selalu berkata benar, dia sependirian dengan Nabi Haidir yang selalu menang dan tidak pernah kalah.

4. Barang siapa menegakkan kedermawanan, maka sependirian dengan malaikat Jibril yang selalu memberi, tetapi tidak pernah diberi.

5. Barang siapa menegakkan diam maka sependirian dengan malaikat Mikaill yang selalu menghalangi tidak pernah dihalangi.

6. Barang siapa berhati baik, sependirian dengan malaikat Israil dia dipanuti tidak direndahkan, dia naik tidak pernah turun.

7. Adapun keteguhan itu adalah sifat penunjuknya nabi kita Muhammad.

8. Adapun kejujuran itu sifat perkataannya nabi Adam.

9. Adapan berkata benar itu sifat menangnya nabi Haidir.

10. Adapun dermawan itu, sifat pemurahnya malaikat Jibril.

11. Adapun diam itu sifat kebaikan malaikat Mikail.

12. Adapun berhati baik sifat mulianya malaikat Israil.

13. Adapun tidak membeda-bedakan sifat kepanutannya malaikat Israfil.

14. Barang siapa yang memiliki perkara yang tujuh itu, apabila Allah SWT merahmati maka panjang umurnya, kaya, ulama, berketurunan, dan turunannya berpeluang memerintah.

15. Adapun keteguhan kepada Allah swt, mengekalkan melakukan ibadah kepada Allah swt, meneguhkan menghindari larangannya.

16. Adapun kejujuran kepada Allah swt, yaitu orang yang bertindak karena Allah yang menciptakan mahluknya.

17. Adapun perkataan benar kepada Allah swt, yaitu melaksanakan perintahnya dengan tidak berdasar selain daripada Allah.

18. Adapun dermawan kepada Allah swt, yaitu menyerahkan sepenuhnya kepada Allah.

19. Adapun diam kepada Allah yaitu bertawakkal kepada Allah

20. Adapun berhati baik kepada Allah swt, yaitu mengekalkan cintanya kepada-Nya.

21. Adapun tidak berubah pikiran kepada Allah swt yaitu bersyukur kepada Allah tidak membedakan sedikit atau banyak pemberian Allah swt, bahagia atau susah.

22. Adapun keteguhan kepada Allah swt, apabila sudah mengatakan sesuatu jangan lagi diubah.

23. Adapun kejujuran kepada Allah swt yaitu berbuat sewajarnya pada diri sendiri.

24. Adapun berkata benar terhadap Allah swt yaitu apabila hati dan lidah sejalan

25. Adapun dermawan kepada Allah swt yaitu memberikan sesuatu kepada orang lain yang diinginkan dalam batas halal, pakaian, ataupun berupa makanan.

26. Adapun diam kepada Allah swt, yaitu jangan membicarakan hal-hal yang tidak berguna.

27. Adapun berhati baik kepada Allah SWT, jangan .........

28. Adapun yang tidak membeda-bedakan di sisi Allah, apakah bangsawan, ulama, orang kaya lihatlah sama derajatnya sebagai sesama ciptaan.

29. Adapun keteguhan kepada sesama manusia, kita dapat melakukannya, kita beritahu orang jika kita mengetahuinya.

30. Adapun kejujuran sesama manusia yaitu lihatlah, ketahuilah, kemudian memberitahukan orang lain.

31. Adapun perkataan baik terhadap sesama manusia, yaitu lihatlah, ketahuilah, kemudian memberitahukan orang lain.

32. Adapun dermawan sesama manusia, yaitu apabila ada harta benda kita yang diinginkan orang laindan wajar bila memberinya, karena barang datang dan pergi, maka Tuhan yang akan memberi ganjaran.

33. Adapun diam sesama manusia, yaitu jangan membicarakan orang yang tidak hadir

34. Adapun berhati baik sesama manusia, yaitu jika orang berbuat baik pada kita tetap dibalas dengan kebaikan, sebab sudah diketahui bahwa hal tersebut jahat.

35. Adapun yang tidak membeda-bedakan sesama manusia, yaitu membetulkan yang benar, dan menyalahkan yang salah sekalipun keluarganya yang salah.

36. Adapun keteguhan kepada sesuatu yaitu apabila kita berjalan dan tertumbuk yakinlah, bahwa sayalah yang bersalah sebab benda itu tidak bergerak.

37. Adapun kejujuran terhadap mahluk, yaitu apabila ada harta benda kita dimakan mahluk, janganlah marah karena reskinya pulalah yang dimakan.

38. Adapun diam terhadap sesama, yaitu jangan mengatai-ngatai.